مواقف بترفع الراس

الامير سلطان الرشيد
على خلاف مع الامير عبد العزيز متعب الرشيد وكان يطالب بحق العبيد بالاماره وكانت الاماره

لذرية عبدالله واراد القاء القبض عليه ولكنه توجه الامير سلطان الى الشام وطلب الامير عبد العزيز من الاتراك تسليم الامير سلطان الى الامير عبد العزيز مقبوض عليه

ونصحه بعض الوطنين ان يلجأ الى بني معروف في جبل الدروز ووصل الى قرية واكد زهر الدين

وعرف بنفسه عن طريق قصيده . ورحبوا فيه وعندما حوصرت قرية واكد زهر الدين قال له

الظابط العثماني سلمني الضيف اللي عندك وقال له واكد هذا امير وامرنا على غدى وتفضل تغدى

معه واذا خلص الغدى تاخذه وتروح ودخل واكد على النساء وقال لهن اخرن الغداء حتى نتصرف

وامر ابنه أن يطلق الخيل ويبقي فرسه جاهزه وذهب الى الظابط وطلب منه ان ابنه سيذهب يجيب الخيل

وكان واكد قد جهز قصيده وهي القصيده الاولى واوصى ابنه بس تبعد عن انظار الجندرمه فزع بني

معروف وقول لهم القصيده وفعلا فزعت النشاما وطردت العثمانين وكانت هذه خطت واكد

زهر الدين ليفك دخيله من العثمانيين .والقصيده الثانيه لاحد زعماءأل الأطرش

الذين هبوا لنجدته ...........ورد الامير بقصيدةيثني على ماقاموا به
بعد ان وصل حايل

وها هي
قصيدةواكد زهر الدين من شيوخ الجبل عند ما اخبر النشاما ان عنده دخيل الامير سلطان ولايريد ان يسلمه
للعثمانيين ........... وفحواها..,,,,
قم يا رسل وانقل عجول الاخبـاريللابه اللـي زبنـوا كـل ملهـوف
الضيغمي تـو بحمانـا استجـاريهايا النشاما بلغوا عيـال معـروف
متعقبينـه فرقتيـنـن صــواريبظباطهم وجنودهم زايـم الشـوف
يبون انقايـض ضيفنـا بالبـزاريوحنا الدخيل نقايضه خيل وسيـوف
اليا حضر بالسوق بايـع وشـارينرمي العشا للي من الطير معيـوف
ها يالنشامـا سلاحكـم والمهـاريدون الدخيل المال والعمر متلـوف
حمر البيـارق جردوهـا جهـاريولا حنا بحال الترك لو جمعها الوف
حنا ان سرينا مبعديـن المسـاريوليا نزلنا ننـزل بديـرة الخـوف
علم الوالـي بعلـم مابـه انكـاريمن يزبن سيوف الجبل يبعد الخوف
واللة يلو ان احمـر الـدم جـاريياغير ياصل ضيفنا ديـرة الجـوف
وما قدر الله ياهل الطـول جـاريالمال يذهب والضنا بعـد مخلـوف
مار الكرامه مامن دونهـا اعـذاريكاس الردى ولايلحق الضيم بضيوف




قصيدة شيخ الطرشان على الامير سلطان الرشيد




عينيك يا سلطان يابـن الرشيـديجوك النشاما فوق حمر النواضيـر
جوك وتناخوا من قريـب وبعيـديوالكل منهم شرع السيـف ومغيـر
انظر بعينـك للرمـك والجريـديواسمع زغاريد البنـات المباكيـر
سيوف تحطم كـل طـاغ عنيـديوعيـال عـم ٍ للـوازم حواضيـر
افلح على دسم القـرى والثريـديوسكن الروع ولا تهوجس من الذير
وابشر بيميـن ماعليهـا مزيـديكل الجبل يفديك صرح ومضاهيـر
دخيلنـا بالجيـد عقـد فـريـديولاحنا بحال الترك لو هم طوابيـر
متجـود ٍ منـا بحبـل الـوريـدينرفاه مثل العش ما يرفـي الطيـر
دخيلنـا مـا ينشـرى بالمجيـدييا غير مـن د م النشامـا معابيـر
وان كان مايذريه عبـد الحميـديكزوا علومـي يارسـل بالتحاريـر
حريبنـا ناتيـه لـو هـو بعيـديناتيه فـوق معسكـرات المساميـر
قل للـذي كـز النـذر والوعيـديماحنا لكم يااتـراك يتـم قواصيـر
عند اللقى نسقي المعادي الصديديبوضح النقى بمصلهمات المشاطير
ومع الجساره بعـد راي سديـديمانعيل حنا ولانتعدى علـى الغيـر
ولياصار مانحصل علـى مانريـديبروس الهضاب نشب ناره سواعير
كيـادة للضـد وللعايـل اكـيـديونطاحـة للشـر عنـد المعاسيـر
هـذي عوايدنـا قديـم وجديـديزود عللى عجل القرى للخطاطيـر
يالله يامحصـي انفـاس العبيـديعنا تكفـر كـل خطـل وتقصيـر





وهذه القصيدة من الامير سلطان الرشيد ردا على شيوخ الجبل بعد ان وصل حايل




قم ياعلي ولـم سلايـل وضيحـانربد من الـذروات عجـل جفيلـه
ليا سوهجن ربـد ٍ بليـات دخـانخطاة ريـم شـاف بالـدو زيلـه
دن الركاب وهد من قصر بـرزانيمـوم ضلـع عالنوايـف طويلـه
ضلع تشامخ من مشاريف حـورانهو منوة المضيـوم عـز النزيلـه
عم السلام وخص لي سربة امتـانوابـو علـي حمـال درك الدبيلـه
وسيوف وأكد من بيارق وفرسـاننعميـن ربـع معذييـن دخيـلـه
ان اشهد انه ساسكم ساس قحطانوان اشهد انكم مـن ذواد القبيلـه
وللـوازم بعدكـم كـايـن كــانولا للكرامـه كـل صـرح ضليلـه
يوم علينا حوضبت اربـع اركـانتقطعـت وذم الـدلا مـن مشيلـه
جونا سرايا الكيد مـن ال عثمـانوبعيونهم تقرى الغـدر والدغيلـه
حاطو بنا مايحوط خمسك بفنجـانوبات الفرج عسر على كل حيلـه
نحرت عاني لابة من هـل الشـانبيـض العمايـم كاسبيـن النفيلـه
عاداتهم حمي المغاتيـر واضعـانياليـن قبـت كـل قبـا شليـلـه
نطاحة الكايد علـى كـل ميحـانحمل الترك مامن سواكـم يشيلـه
تطابقو عندي على المـوت عيـانولاهمهم بهاجس من كثير وقليلـه
يازينهـم يـوم تناخـو المـردانوبيدينهم تلمـع رهـاف النصيلـه
حينن لفوا والجـو عـج ودخـانياشوفهم يبـري الكبـود العليلـه
راحت على حمر الطرابيش شردانواقفوا يجرون الخـزي والفشيلـه
فرجت كرب مالـي الصدرهيقـانعدي غديت براس رغلـه طويلـه
لا القو فاد ولا نفـع بعـد رفـانياوسع جـودك يامنشـي المخيلـه
هم حصتي نقالة السيـف وسنـانمـار ابيهـم بالسنيـن المحيـلـه
تسعين ليله بيـن مقعـد وفنجـانودسم القرى يقلط علي كـل ليلـه
ينطح ترى الجوزى خشم ام حورانولا قلـت الا للتجـارب حصيـلـه
غنوا بها ياللي مع الـد و ركبـانماقال اخـو نـوره كـلام هبيلـه